آه باعوني . أيوة باعوني . عادي .... باعوني . بتحصل ... باعوني .
بس لإمتى هتفضل دايما فكراهم عيوني .
و لإمتى هفضل أحبهم و كمان في الاحلام بيجوني .
بس خلاص أنا قررت . من النهاردة أنا قررت .
أزعل ليه و لمين و علشان ايه . و في الآخر هجني ايه .
ما هو معلش مفيش عقل يقول . هما باعوني و أفضل أحبهم على طول .
ده حتى يبقى اهبل و عبيط .
حد يسيب راحة البال . و يشتغل حزن و تنكيد .
العقل يقول دايما على طول خليك حويط .
لا تحب قوي . و لا تكره قوي . و لا تقرب قوي . و لا تبعد قوي .
يعني يا دوب . خليك حويط
بس نجيب اخونا ده منين .
حد يقولي نجيبه منين .
فين اروحله . و فين الاقيه .
حد يدلني يا ناس عليه . و أنا طوالي همشي وراه . همشي بشورته و رأي معاه .
و لا يوم هقوله لا و لا يوم هقوله اه . بس بشرط ما يجرحنيش . و إن يوم بعدت ما يسبنيش . أصل أنا ماشي العمر وراه . يوم ما غلط سبني وراه .
و أهو في الآخر برضه .....
باعوني .
ليست هناك تعليقات:
إرسال تعليق